六月‧ 芝加哥

「点解你啱啱第一下见我嗰阵唔揽我？你是不是唔钟意我？」[1]Lucy 一脸不解咁问Ray。「唔系呀……我只系……」Ray 听到Lucy 咁问，呆咗喺度唔识反应。「咁点解？」Lucy 继续追问。「喺香港同一个女性朋友见面嗰阵无啦啦揽，俾人告非礼都似。我又点会唔钟意妳呢？」Ray 尴尬地说。「咁你依家喺芝加哥呀嘛！」Lucy 听到Ray 咁讲，即刻由原本嘟嘴，变到甜丝丝地笑。Lucy张开双手，Ray 战战兢兢地行近Lucy，两人相拥一刻，彼此心跳加速，小鹿乱撞，世界彷佛得返佢哋两个咁。十分钟后，佢哋松开紧抱彼此嘅双手，望住彼此嘅瞳孔，静默。

「我哋回家先啦！你咁早喺纽约过嚟一定好攰啦。」Lucy 打破沉默。「嗯。」Ray 跟随 Lucy 嘅脚步坐火车回家，Ray 仲挨住Lucy瞓到成只猪咁。返到屋企摆底袋之后，Lucy 就车Ray 去芝加哥当代艺术馆——Lucy 成长嘅地方。「我高中嗰阵参加咗个学生计划，每星期嚟呢度跟唔同嘅老师上堂，学习欣赏、创作不同嘅艺术，令我对艺术逐渐产生兴趣呢。」

Lucy好热情咁带住Ray 参观艺术馆不同角落，向Ray 诉说佢嘅成长故事。Ray 尽力地听Lucy 快到好似子弹咁嘅英文，理解、吸收、尝试记住——其实佢已经好攰，加上中学视艺科老师早已摧毁咗佢对艺术嘅喜好，所以对佢嚟讲都唔容易。不过好彩佢入新亚之后受艺术系嘅朋友感染，慢慢对艺术无咁抗拒——更加重要嘅系，Lucy 喺二月时已经带过Ray同其他新亚嘅YUNA 参加者行耶鲁大学美术馆、纽约大都会艺术博物馆，同埋纽约现代艺术博物馆。Ray 嗰阵全程黐住Lucy 听佢分享，原来不知不觉间，Ray都爱上咗艺术。所以就算Ray 寻晚无乜点瞓觉，依家都仲可以听得到Lucy 嘅分享。

「好啦，我想带你试饮波兰罗宋汤[2]，系正宗嘅罗宋汤，同四月时喺香港跟你哋饮嘅茶餐厅罗宋汤好唔同！」离开艺术馆后，Lucy捉住Ray 跑到旁边嘅波兰小店。

「妳竟然仲记得香港啲罗宋汤？！」Ray 笑问。「点会不记得呀，嗰晚同你哋食得咁开心！我仲记得嗰日夜晚系做咩呢，嗰晚我哋喺圆广瞓喺地上围圈倾偈倾到凌晨……」Lucy 一轮嘴咁回忆，Ray 就静静地听。

短短三日两夜，Lucy 带住Ray 去晒佢喺芝加哥重要嘅地方。

同朋友聚会，包括佢爸爸做牧师嘅华人教会、佢就读嘅高中、中学酒聚……临走嗰一刻，Lucy 喊住问 Ray ：「我哋仲会见面吗？」「一定会，喺世界某一个角落，have（有）……」Ray 用佢半桶水嘅英文讲咗半句之后，决定都系用返中文，虽然佢嘅普通话都系普通到不能再普通「有缘千里能相聚！」佢哋再次紧紧相拥，Ray 流下咗一滴罕有嘅眼泪，而佢哋同时亦心知肚明，隔咗成个太平洋，都唔知几时先可以再面对面见到大家。

七月‧ 香港和纽黑文

「Ray，我得咗啦！我十一月会去越南交流呢！」Lucy 喺Facebook Messenger 同Ray 讲。「太好喇，咁我哋就可以喺越南见，之后仲可以一齐去旅行。」Ray 收到讯息后兴奋得大叫咗出嚟，脑海已经谂紧可以点样喺东南亚周围探索。「好呀，咁我哋再计划。可以叫埋Luke 吗？佢都想喺亚洲旅行呢！」Lucy 问。「是不是我哋YUNA 新亚团二月喺波士顿见到，妳嗰位青梅竹马嘅教会朋友？如果系佢，当然可以啦！」Ray回复道。「好呀，咁我邀请佢先。我依家要画画，之后再约个时间倾行程！」

九月‧ 香港和纽黑文

「Ray，Luke 死咗……」香港凌晨时份，Lucy 打畀Ray 爆喊。

「吓？！佢两星期前先同Lulu喺北京食完饭喎？[3]同埋我哋唔系上星期先约好年底一齐去东南亚旅行咩？」Ray 好震惊地问。「系，我都唔知点解，佢本来仲好地地，点知佢一返到哈佛就喺宿舍自杀死咗[4]……呜呜呜……」Lucy一喊就喊咗三十分钟。Ray 都唔知讲咩好，净系识得静静地听。嗰一晚，Ray 通宵喺在线陪住 Lucy。

十一月‧ 河内

Ray 一到越南，即刻赶去还剑湖搵Lucy。见面时，佢哋张开双手行近彼此，两人相拥一刻，彼此心跳加速，小鹿乱撞，世界彷佛得返佢哋两个咁。佢哋无谂过，分隔短短四个月后就能够重逢，更加无谂过嘅系，会同原本约好一齐旅行嘅Luke 永远天人相隔。嗰一晚，Ray 同Lucy 倾通宵，听住Lucy 忆述佢同Luke嘅往事……

最后谨希望以此文：

• 献给Lucy及Luke
• 感激Luke 作为非耶鲁大学学生，仍于二○一五年二月帮忙喺YUNA（新亚书院／耶鲁大学交流活动）接待新亚学生，同埋安排纽约及波士顿行程
• 纪念二○一五年一段狂缘
• 纪念与世长辞的 Luke—希望我哋来生有缘嘅话一齐去旅行
• 让大家多多关注自己同身边人嘅情绪健康！

Luke （右）、Lucy （中）及 Ray （左）于纽约地下铁

 Luke

二○二三年 写于香港

（文／杨思毅）

[1] 本文所有对话原为英文，为方便读者阅 . 现翻译为中文。

[2] Polish Borscht

[3] 作者家姐的昵称是Lulu。

[4] Luke Tang 是一个受人欢迎、充满热诚和才华横溢的哈佛大学二年级学生，他的自杀让其家人和朋友错愕不已。「Looking for Luke」（《寻找Luke》）是一部纪录短片，讲述Luke的父母Wendell和Christina，试图通过阅读Luke 的日记和与他最亲密的朋友交谈，来了解儿子自杀的原因。当他们弄清事情的来龙去脉后，他们开始发现儿子死亡的真相，并意识到抑郁症是一种可以治疗的精神疾病。（翻译自电影「Looking for Luke」（英文简介）读者可按此观看电影预告片：https://youtu.be/qipDNvyHn-8 ）

狂妄、癫狂……和「狂」有关的词语貌似都和不能自拔有关。既然如此，就在此拙略地借用数个和「狂」有关的词语，写写YUNA 的二三事，写写自己缘何珍视YUNA 。

轻狂

每年书院都会透过笔试和面试，选出八位同学参加YUNA，就当年设定好的主题和耶鲁大学的八位同学交流。有年面试，有同学回答问题份外铿锵有力、掷地有声，坐在对面的一众面试官倒没有招架不住，提问越发刁钻，最后同学脱颖而出，成为当年获选的八个参加者之一。后来有人笑说，这位同学回答问题的语气「十足十补习天王」。

后来和这个同学闲谈的时候，不难察觉到他满满的自信—每当谈到某老教授，他会引经据典批评一番。内行人听上去应该会觉得头头是道，但旁人听上去难免觉得年少轻狂。但或许正正就是这点轻狂，他现在踏上了研读博士的旅程。

我自己有没有轻狂的时刻呢？总不能说没有吧。大学二年级的时候有点眼高手低，以为自己能兼顾学业和活动，「走咗唔少堂」，主修差点就从新闻与传播变成了YUNA。

有同学曾经对我说，那个学期我好像没有在人文馆出现过。到学期尾回看，自己便发现有许多学业上的事情没有安排妥当，甚至拖累了一两份小组功课的组员，歉意一直在心中。

有时候，参加YUNA 的耶鲁学生也有可能给人轻狂的印象。每年参加计划的耶鲁同学都会在三月回访新亚书院，记得有一年的行程包括会见一位时任立法会议员。事后有人分享，有美国学生和议员就不同议题唇枪舌剑、针锋相对，火药味浓烈。讨论的详情我已经忘记了，只记得我听完这个经历之后捏了一把汗。其实事后也没有甚么后果，怪自己多心了。

疯狂

虽然我参加YUNA 的时候没有依时上课，但记得有一天我为了完成功课，跟随地区组织到街市收集卖剩的蔬菜，再观察分发给街坊的过程。完成采访后，我赶忙参加当年的回访行程。

没有记错的话，当晚临时多了个活动，参加一位居港耶鲁毕业生举办的派对。那人事业有成，住在中半山，从车路到那栋独立屋需要高尔夫球车接驳。独立屋景观绝佳就不在话下，各层都能够看到维港夜景，天台又有DJ（唱片骑师）打碟。

常常在课堂中听到香港贫富悬殊，那是头一遭体会到差距可以有多疯狂。

「狂迷」

正是YUNA 的多元经历，自己就算毕业后，仍然会找机会参与随后数年的活动。美其名是帮负责项目的书院职员Nixon忙，实则上是希望继续增广见闻。

毕业后的二○一七年，杨思毅就和我一起随当年的YUNA行程到了上海。当时我俩常常在一行人当中殿后，负责请大家「pack实啲」，于是我俩间中会调侃对方，说大家懂的也只有这句说话……到后来在人民广场地铁站前往晚饭餐厅的路上，大家步速差异大，有人差点走失，我俩才发觉这句话的必要。

翌年，或许是意识到传承的重要，有一位二○一七年参加过YUNA的耶鲁同学也重回新亚，给了他、杨思毅和我三人聚旧的机会。为了争取多点时间，思毅和我下班后就赶往机场，飞到杭州参加当年的内地行程——和「狂迷」的行为相差无几吧？

当时内地已经盛行共享单车，所以在杭州最后一晚的时候，我们三个人才有机会在凌晨租来代步工具，夜游西湖，欣赏风景之余，更加可以分享个人近况和遇到的困难。经过三年疫情，现在更加明白到当时的可贵和奢侈。

今年YUNA 终于可以恢复断绝了三年的实体交流，在农历年前后，新亚书院的八位同学已经到访了纽黑文（New Haven），有位在东岸念博士的前参加者得悉纽黑文的行程过后，专门抽了整个周末，坐了八个小时来回火车，就是希望见今年的参加者一面，应该是YUNA「狂迷」无误。而带队的教授早于二○一六年便曾担任此职，今年又再挑起担子；一想到他要投入的时间和精力，我又要多心地捏一把汗，但他应该又算是另一位YUNA「狂迷」？

狂想

口上挂着「pack实啲」，心里有许多狂想，每每都会和杨思毅分享，例如大家都观察到越来越多参加YUNA 的耶鲁学生能够说流利的普通话、对中国文化的认识越来越地道——这些是否就是个缩影，勾勒了香港在沟通中外文化的困境？「买办」是否还有价值？这些讨论在今天又有没有意义？

又例如参加YUNA 的耶鲁学生背景越趋多元，无论是国籍、种族或性倾向，我们每个人是否准备好如何应对？最简单的或许是，见到一位亚裔人士，不要想当然觉得对方就是移民，而直接问到「Where do you come from?」；你得到的答案可能会是美国某个州，因为对方可能从小就在美国长大。当美国东岸各处开始有性别友善厕所，香港有没有可能跟随推广呢？狂想应该会一直存在，我想YUNA 也是。

（文／龚文俊）